പ്രായപൂർത്തിയാകാത്ത ഒരാൾക്ക് അവരുടെ മാതാപിതാക്കളുടെയോ നിയമപരമായ രക്ഷിതാക്കളുടെയോ സഹായത്തോടെ മ്യൂച്വൽ ഫണ്ടുകളിൽ നിക്ഷേപിക്കാം.
എന്നിരുന്നാലും, ഈ നിക്ഷേപങ്ങളിൽ നിന്നുള്ള ഏതെങ്കിലും വരുമാനമോ മൂലധന നേട്ടമോ, കുട്ടി മെച്യൂരിറ്റി പ്രായമാകുമ്പോൾ കുട്ടിയുടെ വരുമാനമായി കണക്കാക്കും.
പ്രായപൂർത്തിയാകാത്ത ഒരാളുടെ പേരിൽ ഈ മ്യൂച്വൽ ഫണ്ട് നിക്ഷേപ പ്രക്രിയയ്ക്ക് ചില നേട്ടങ്ങളും ദോഷങ്ങളുമുണ്ട്.
പ്രായപൂർത്തിയാകാത്ത ഒരാളുടെ പേരിൽ നിക്ഷേപിക്കുക എന്നതിനർത്ഥം നിങ്ങളുടെ മറ്റ് നിക്ഷേപങ്ങളുടെ ഒരു ഭാഗം, കുട്ടിയുടെ ഉന്നത വിദ്യാഭ്യാസത്തിന് ധനസഹായം നൽകുന്നത് പോലെയുള്ള ഒരു പ്രത്യേക ആവശ്യത്തിനായി നീക്കിവെക്കുക എന്നാണ്.
നിങ്ങളുടെ കുട്ടിയുടെ പേരിൽ നടത്തുന്ന നിക്ഷേപങ്ങൾ, നിങ്ങളുടെ കുട്ടിയുടെ സാമ്പത്തിക ലക്ഷ്യങ്ങൾക്ക് മുൻഗണന നൽകുന്നതിന് കൂടുതൽ പ്രചോദനം ഉണ്ടാക്കുന്നതിന് നിങ്ങളെ സഹായിക്കും.
നിങ്ങളുടെ കുട്ടിയുടെ ഭാവിക്കായി ഒരു കോർപ്പസ് കെട്ടിപ്പടുക്കുന്നതിൽ, നിങ്ങൾ വൈകാരികമായി നിക്ഷേപിക്കപ്പെടാൻ സാധ്യതയുണ്ട്. ഇത് പണം ഇടക്ക് പിൻവലിക്കാനുള്ള ആഗ്രഹത്തിൽ നിന്ന് നിങ്ങളെ തടഞ്ഞേക്കാം.
ഒരു കുട്ടിയുടെ പേരിൽ നിക്ഷേപ അക്കൗണ്ട് നിലനിൽക്കുന്നത് സാമ്പത്തിക ഉത്തരവാദിത്തങ്ങളെയും ബാധ്യതകളെയും കുറിച്ചുള്ള കുട്ടിയുടെ അവബോധം വർദ്ധിപ്പിച്ചേക്കാം. നിക്ഷേപ ഉൽപ്പന്നങ്ങളുമായുള്ള ആദ്യകാല ഉടമസ്ഥാവകാശ അനുഭവങ്ങൾ പണം ലാഭിക്കാനുള്ള പ്രവണത വളർത്തിയെടുക്കാൻ കുട്ടികളെ സഹായിച്ചേക്കാം.
മ്യൂച്വൽ ഫണ്ടുകളിലെ നിക്ഷേപത്തിൽ നിന്നുള്ള ഏതൊരു മൂലധന നേട്ടത്തിനും കുട്ടി പ്രായപൂർത്തിയാകാത്ത സമയത്ത് മാതാപിതാക്കളുടെയോ നിയമപരമായ രക്ഷിതാവിൻ്റെയോ നികുതി ബ്രാക്കറ്റ് അനുസരിച്ച് നികുതി ചുമത്തപ്പെടും. കുട്ടിക്ക് 18 വയസ്സിനു മുകളിൽ പ്രായമുള്ളപ്പോൾ മൂലധന നേട്ട നികുതി അടയ്‌ക്കുന്നതിന് കുട്ടി ഉത്തരവാദിയായിരിക്കും.
ഒരു കുട്ടിക്ക് 18 വയസ്സ് തികയുകയും മറ്റ് വരുമാന സ്രോതസ്സുകൾ ഇല്ലാതിരിക്കുകയും ചെയ്യുമ്പോൾ, നികുതി ബാധ്യത സാധാരണയായി വളരെ കുറവായേക്കാം. ഒരുപക്ഷേ, ഉയർന്ന ആദായനികുതി പരിധിയിലുള്ള മാതാപിതാക്കൾ നൽകുന്നതിനേക്കാൾ വളരെ കുറവായേക്കാം ഇത്.
പ്രായപൂർത്തിയാകാത്തവരുടെ പേരിൽ മ്യൂച്വൽ ഫണ്ടുകളിൽ നിക്ഷേപിക്കുമ്പോൾ ഓർത്തു വെക്കേണ്ട കാര്യങ്ങൾ:
ഈ നിക്ഷേപങ്ങളുടെ അവകാശം കുട്ടിക്ക് പ്രായപൂർത്തിയാകുമ്പോൾ കൈമാറ്റം ചെയ്യപ്പെടും.
കുട്ടിക്ക് മെച്യൂരിറ്റി പ്രായമാകുമ്പോൾ, കുട്ടിക്ക് പിൻവലിക്കാനുഉള്ള അവകാശം ഉൾപ്പെടെ ലഭിക്കുന്നതിന് - ആവശ്യമായ രേഖകൾ സമർപ്പിക്കേണ്ടതാണ്. ഇത് സമർപ്പിക്കാത്ത പക്ഷം കുട്ടി പ്രായപൂർത്തിയായ ശേഷം നിക്ഷേപ തുക പിൻവലിക്കുക്കുന്നതിന് തടസ്സം നേരിട്ടേക്കാം*.
കുട്ടിക്ക് 18 വയസ്സ് മാത്രം പ്രായമുള്ളപ്പോൾ ഗണ്യമായ തുക കൈമാറുന്നത് നല്ല ആശയമായിരിക്കണമെന്നില്ല. പണം ശരിയായി കൈകാര്യം ചെയ്യാനും അത് ശരിയായി ഉപയോഗിക്കാനുമുള്ള പക്വത കുട്ടികൾക്ക് കുറവായേക്കാം*.
പ്രായപൂർത്തിയാകാത്തവരുടെ മ്യൂച്വൽ ഫണ്ട് പോർട്ട്ഫോളിയോയിൽ ജോയിന്റ് ഹോൾഡിംഗ് അനുവദനീയമല്ല. പകരം, പ്രായപൂർത്തിയാകാത്തയാളുടെ രക്ഷിതാവോ നിയമപരമായ രക്ഷിതാവോ അക്കൗണ്ടിൻ്റെ പ്രതിനിധിയായി പ്രവർത്തിക്കണം.
നിരാകരണം: മ്യൂച്ചൽ ഫണ്ട് നിക്ഷേപങ്ങൾ വിപണിയിലെ ലാഭ നഷ്ട സാധ്യതകൾക്ക് വിധേയമാണ്. സ്കീമുമായി ബന്ധപ്പെട്ട രേഖകൾ വിശദമായി വായിക്കുക. *ഇവ എല്ലാവർക്കും ബാധകമാകണമെന്നില്ല.