മ്യൂച്വൽ ഫണ്ടുകളിലെ നിക്ഷേപത്തിൽ നിന്ന് ലഭിക്കുന്ന ലാഭം 'മൂലധന നേട്ടം (Capital gain)' എന്നാണ് അറിയപ്പെടുന്നത്. ഈ മൂലധന നേട്ടങ്ങൾ നികുതിക്ക് വിധേയമാണ്. അതിനാൽ, മ്യൂച്വൽ ഫണ്ടുകളിൽ നിക്ഷേപിക്കുന്നതിന് മുമ്പ്, നിങ്ങളുടെ റിട്ടേണുകൾക്ക് എങ്ങനെ നികുതി ചുമത്തുമെന്ന് വ്യക്തമായി മനസ്സിലാക്കണം.
മ്യൂച്വൽ ഫണ്ടുകളുടെ നികുതി നിശ്ചയിക്കുന്നതിനുള്ള ഘടകങ്ങൾ എന്തൊക്കെയാണ്?
മ്യൂച്വൽ ഫണ്ടുകളിൽ ചുമത്തുന്ന നികുതികളെ ബാധിക്കുന്ന പ്രധാന ഘടകങ്ങൾ:
ഫണ്ട് തരങ്ങൾ: മ്യൂച്വൽ ഫണ്ടിൻ്റെ തരത്തെ അടിസ്ഥാനമാക്കി നികുതി നിയമങ്ങൾ വ്യത്യാസപ്പെട്ടിരിക്കുന്നു. ഉദാ: ഇക്വിറ്റി മ്യൂച്വൽ ഫണ്ട്, ഡെറ്റ് മ്യൂച്വൽ ഫണ്ട്, ഹൈബ്രിഡ് മ്യൂച്വൽ ഫണ്ട് തുടങ്ങിയവ.
മൂലധന നേട്ടം (Capital gain):
നിക്ഷേപകർ അവരുടെ മൂലധന ആസ്തികൾ അതിൻ്റെ മൊത്തം നിക്ഷേപ തുകയേക്കാൾ ഉയർന്ന വിലയ്ക്ക് വിൽക്കുമ്പോൾ (Redemption), ലാഭത്തെ മൂലധന നേട്ടം എന്ന് വിളിക്കുന്നു.
ഇക്വിറ്റി ഫണ്ടുകളുടെ മൂലധന നേട്ടങ്ങളുടെ നികുതി:
മൊത്തം ഫണ്ട് തുകയുടെ 65 ശതമാനത്തിലധികം കമ്പനികളുടെ ഇക്വിറ്റി ഷെയറുകളിൽ നിക്ഷേപിക്കുന്ന മ്യൂച്വൽ ഫണ്ടുകളാണ് ഇക്വിറ്റി ഫണ്ടുകൾ. മുകളിൽ സൂചിപ്പിച്ചതുപോലെ, ഒരു വർഷത്തിനുള്ളിൽ നിങ്ങളുടെ ഇക്വിറ്റി ഫണ്ട് യൂണിറ്റുകൾ വിൽക്കുകയാണെങ്കിൽ (Redemption) ഹ്രസ്വകാല മൂലധന നേട്ടം (Short term capital gain) ഉണ്ടാകുന്നു. നിങ്ങളുടെ ആദായ നികുതി ബ്രാക്കറ്റ് പരിഗണിക്കാതെ, ഈ നേട്ടങ്ങൾക്ക് 15% എന്ന ഫ്ലാറ്റ് നിരക്കിൽ നികുതി ബാധ്യത ഉണ്ടാകുന്നു.
നിങ്ങളുടെ ഇക്വിറ്റി ഫണ്ട് യൂണിറ്റുകൾ ഒരു വർഷത്തിലധികം കൈവശം വച്ചതിന് ശേഷം വിൽക്കുന്നതിലൂടെ നിങ്ങൾക്ക് ദീർഘകാല മൂലധന നേട്ടം (Long term capital gain) ലഭിക്കും. പ്രതിവർഷം ഒരു ലക്ഷം രൂപ വരെയുള്ള ഈ മൂലധന നേട്ടങ്ങൾക്ക് നികുതി ഇളവുണ്ട്. ഈ പരിധി കവിയുന്ന ഏതൊരു ദീർഘകാല മൂലധന നേട്ടത്തിനും 10% LTCG നികുതി* ബാധ്യത ഉണ്ടാകുന്നു.
ഡെറ്റ് ഫണ്ടുകളുടെ മൂലധന നേട്ടങ്ങളുടെ നികുതി:
പോർട്ട്ഫോളിയോയുടെ ഡെറ്റ് എക്സ്പോഷർ 65%-ൽ കൂടുതലും ഇക്വിറ്റി എക്സ്പോഷർ 35%-ൽ കൂടാത്തതുമായ മ്യൂച്വൽ ഫണ്ടുകളാണ് ഡെറ്റ് ഫണ്ടുകൾ. 2023 ഏപ്രിൽ 1 മുതൽ, ഡെറ്റ് ഫണ്ടുകൾക്ക് ഇൻഡെക്സേഷൻ ആനുകൂല്യം ലഭിക്കില്ല, ഹ്രസ്വകാല മൂലധന നേട്ടമായി കണക്കാക്കും. അതിനാൽ, ഡെറ്റ് ഫണ്ടുകളിൽ നിന്നുള്ള നേട്ടങ്ങൾ ഇപ്പോൾ നിങ്ങളുടെ നികുതി വിധേയമായ വരുമാനത്തിലേക്ക് കൂട്ടിച്ചേർക്കുകയും സ്ലാബ് നിരക്കിൽ നികുതിക്ക് ബാധ്യസ്ഥനാക്കുകയും ചെയ്യും.
(മുമ്പ് ഡെറ്റ് ഫണ്ടുകളിൽ നിന്നുള്ള ദീർഘകാല മൂലധന നേട്ടത്തിന് ഇൻഡെക്സേഷൻ ആനുകൂല്യത്തോടെ 20% നികുതി* ചുമത്തിയിരുന്നു).
ഹൈബ്രിഡ് ഫണ്ടിൻ്റെ മൂലധന നേട്ടങ്ങളുടെ നികുതി:
ഹൈബ്രിഡ് അല്ലെങ്കിൽ ബാലൻസ്ഡ് ഫണ്ടുകളുടെ മൂലധന നേട്ടങ്ങളുടെ നികുതി നിരക്ക് സ്കീം പോർട്ട്ഫോളിയോയുടെ ഇക്വിറ്റി എക്സ്പോഷറിനെ ആശ്രയിച്ചിരിക്കുന്നു. ഇക്വിറ്റി എക്സ്പോഷർ 65% കവിയുന്നുവെങ്കിൽ, ഫണ്ട് സ്കീമിന് ഒരു ഇക്വിറ്റി ഫണ്ട് പോലെ നികുതി ചുമത്തപ്പെടും, ഇല്ലെങ്കിൽ ഡെറ്റ് ഫണ്ടുകളുടെ നികുതി നിയമങ്ങൾ ബാധകമാണ്.
എസ്ഐപികളിലൂടെ നിക്ഷേപിക്കുമ്പോൾ മൂലധന നേട്ടങ്ങളുടെ നികുതി:
ഓരോ SIP ഇൻസ്റ്റാൾമെൻ്റിലൂടെയും നിങ്ങൾ നിശ്ചിത എണ്ണം മ്യൂച്വൽ ഫണ്ട് യൂണിറ്റുകൾ വാങ്ങുന്നു. ഈ യൂണിറ്റുകളുടെ Redemption ഫസ്റ്റ്-ഇൻ-ഫസ്റ്റ്-ഔട്ട് എന്ന അടിസ്ഥാനത്തിലാണ് പ്രോസസ്സ് ചെയ്യുന്നത്.
സെക്യൂരിറ്റീസ് ട്രാൻസാക്ഷൻ ടാക്സ് (എസ്ടിടി):
ഡിവിഡൻ്റുകളുടെയും മൂലധന നേട്ടങ്ങളുടെയും നികുതി കൂടാതെ, സെക്യൂരിറ്റീസ് ട്രാൻസാക്ഷൻ ടാക്സ് (എസ്ടിടി) എന്ന മറ്റൊരു നികുതിയുണ്ട്. ഒരു ഇക്വിറ്റി ഫണ്ടിൻ്റെയോ ഹൈബ്രിഡ് ഇക്വിറ്റി അധിഷ്ഠിത ഫണ്ടിൻ്റെയോ മ്യൂച്വൽ ഫണ്ട് യൂണിറ്റുകൾ വാങ്ങുകയോ വിൽക്കുകയോ ചെയ്യുമ്പോൾ 0.001% STT ഈടാക്കുന്നു. ഡെറ്റ് ഫണ്ട് യൂണിറ്റുകളുടെ വിൽപ്പനയിൽ എസ്ടിടി ഇല്ല.
കൂടുതൽ വിവരങ്ങൾക്ക് ഞങ്ങളുടെ ഫെയ്സ്ബുക്ക് പേജ് ഫോളോ ചെയ്യുക. വെബ്സൈറ്റ് - ബ്ലോഗ് സന്ദർശിക്കുക.
*ബാധകമായ സെസും സർചാർജും അടയ്ക്കേണ്ടിവരും. മ്യൂച്ച്വൽ ഫണ്ട് നിക്ഷേപങ്ങൾ വിപണിയിലെ ലാഭ നഷ്ട സാധ്യതകൾക്ക് വിധേയമാണ്. സ്കീമുമായി ബന്ധപ്പെട്ട എല്ലാ രേഖകളും വിശദമായി വായിക്കുക.
Comments